नेकपा ओली समूहको भेलामा कालो मास्क लगाउन, पानीको बोतल लैजान निषेध
काठमाडौं । नेपाल कम्युनिस्ट पार्टी (नेकपा)को ओली समूहको काठमाडौं जिल्ला कमिटी भेला प्रज्ञाप्रतिष्ठानमा जारी छ ।
भेलामा प्रधानमन्त्रीसमेत रहेका अध्यक्ष केपी शर्मा ओली सहभागी हुने भनिएपछि कार्यक्रम सहभागी हुनेलाई कालो रंगको मास्क, टोपी, पञ्जालगायत सामग्री लगाउन निषेध गरिएको छ । त्यस्तै पानीको बोतल लिएर जान पनि निषेध गरिएको छ।
भेलामा सहभागी हुन उल्लेख संख्यामा नेता कार्यकर्ता आएका छन् । आजको भेलालाई प्रधानमन्त्री केपी शर्मा ओली, गृहमन्त्रीसमेत रहेका सचिवालय सदस्य रामबहादुर थापा बादल, उपप्रधानमन्त्री ईश्वर पोखरेलले सम्बोधन गर्नेछन् ।
