आज ललितपुर उद्योग वाणिज्य सङ्घको चुनाव
काठमाडौं । ललितपुर उद्योग वाणिज्य सङ्घको निर्वाचन आज हुने भएको छ । जसअनुसार हिजो उद्योग मन्त्री लेखराज भट्टले ४१ औं साधारणसभा उद्घाटन गरेका थिए ।
चुनावमा अध्यक्ष पदका लागि हालका महासचिव मनोजबहादुर न्याछ्यों र वरिष्ठ उपाध्यक्ष भरतलाल जोशीको प्रतिस्पर्धा हुनेभएको छ ।
न्याछ्यों पाटन खाद्य भण्डारका सञ्चालक तथा व्यवसायी हुन् भने जोशी जोशी ट्रेड सेन्टर खुमलटारका सञ्चालक एवं वर्णवास म्यूजियम होटलका पर्यटन व्यवसायीसमेत हुन् । यसअघि सङ्घमा अध्यक्षको कार्यकाल दुई वर्षको थियो भने अबदेखि तीनवर्षको अध्यक्ष कार्यकाल हुनेछ ।
