आज ‘कमेडी च्याम्पियन २’ को फिनाले, को बन्ला सो को विजेता ?
काठमाडौं । टेलिभिजन रियालिटी सो ‘कमेडी च्याम्पियन २’ को आज बेलुका फिइनल हुँदैछ । आज राती ११ बजेसम्म सोले नयाँ विजेता पाउनेछ ।
निर्देशक विशाल भण्डारीका अनुसार विजेता घोषणाको लाइभ प्रसारण बेलुकी साढे १० बजेदेखि सुरु हुनेछ । साढे ११ बजेसम्म दर्शकले कमेडी च्याम्पियन सिजन दुईको विजेता पाउनेछन् ।
ताप्लेजुङका भरतमणी पौडेल, सिक्किमका विक्की अग्रवाल र गोरखाका सन्तोष थापाबीच उपाधिका लागि प्रतिस्पर्धा हुँदैछ ।
विभिन्न नेता तथा कलाकारको क्यारिकेचर गरेर ताप्लेजुङका पौडेल चर्चामा छन् । सिक्किमका अग्रवाल भने कमेडीमा नयाँ प्रयोगहरु गरिरहेका छन् । उनी क्यारिकेचर गर्दैनन् ।
दर्शकले गोरखाका थापालाई पौडेल र अग्रवालको संयोजनको रुपमा लिने गर्छन् । ग्रान्ड फिनाली चाहिँ कान्तिपुर टेलिभिजन र ओएसआर डिजिटलमा हेर्न पाइने भएको छ ।
