मानिस हराएको सुचना
खोटाङ। दिक्तेल रूपाकोट मझुवागढी नगरपालिका-१४ बुईपा फुलेलीका एक वृद्ध बेपत्ता भएका छन् ।
साविक बुईपाका- ४ का ८६ वर्षका वृद्ध आशिकराम राई २९ भदौदेखि परिवारबाट सम्पर्कविहीन बनेका हुन् । देब्रे गालामा ठूलो कालो कोठी भएको करिब पाँच फिट चार इन्च उचाइ भएका वृद्ध हालसम्म फेला नपरेको आफन्तले जानकारी दिएका छन् ।
हेर्दा सामान्य र विरामी जस्तो नदेखिने वृद्ध अलजाइमर रोगका कारण स्मरणशक्ति गुमाएर आफ्नो घरपरिवारको सदस्यसमेत नचिन्ने अवस्थामा छन् ।
राईले यदाकदा साइला छोरा परशुरामको नाम लिने र कहिलेकहीँ आफूलाई दिनवालीको सन्तान भएको बताउने गरेका छन् ।
