घर जल्दा दम्पतीको मृत्यु
लम्जुङ । लमजुङको मर्स्याङ्दी गाउँपालिका–९ सेग्लेमा एक घरमा आगलागी हुँदा एक दम्पतीको मृत्यु भएको हो ।
घरमा आगलागी हुँदा ५६ वर्षीय धर्मराज भण्डारी र उनकी ४५ वर्षीया श्रीमती पशुपति भण्डारीको गएराति मृत्यु भएको हो । १०, १५ दिनअघि मात्रै दुवै जना बढी मादक पदार्थ सेवन गर्ने गरेकाले सुधार केन्द्रबाट घर आएका थिए । उनका छोराछोरी छैनन् ।
ग्यास लिक भएर आगलागी भएको अनुमान गरिएको छ । ढुंगामाटोको गाह्रो र जस्तापाताको छानो भएको धन्सार जस्तो एकतले घर सबै जलेर नष्ट भएको हो । घरभित्रका केही पनि सामान निकाल्न भ्याइएन ।
