एमाले समाजवादी र जसपा लोकतान्त्रिकको नाम राख्न नमिल्ने,नयाँ नामका लागि आग्रह
काठमाडौं । राजीतिक दल सम्बन्धी अध्यादेश जारी भएसँगै माधवकुमार नेपाल र महन्थ ठाकुर नयाँ दल दर्ताको तयारीमा रहेका छन् । नेता नेपालले एमालेबाट छुट्टिएर एमाले समाजवादी नाम प्रस्ताव गरेका छन् । यता महन्थले भने जनता समाजवादी पार्टीबाट छुट्टिएर जसपा लोकतान्त्रिक नाम जुराएका छन् । दुवै दल निर्वाचन आयोगमा दर्ताका लागि नेताहरु पुगेपनि आयोगले सो नाम राख्न नमिल्ने भन्दै नयाँ नामका लागि आग्रह गरेको छ ।
आयोगमा दुवै दलको नाम र चुनाव चिह्नसँग मेल खाने अरु नै दल दर्ता भइसकेकाले दुवै दल दर्ता गर्न नमिल्ने मौखिक रुपमा जानकारी गराइसकेको स्रोतले जनाएको छ । बुधबार सरकारको सिफारिसमा राष्ट्रपतिले राजनीतिक दलसम्बन्धी अध्यादेश जारी गरेसँगै सोही दिन दुवै पक्ष दल दर्ताका लागि निर्वाचन आयोगमा निवेदन दिएका थिए ।
