देउवालाई ओलीको प्रश्न : प्रधानमन्त्रीज्यु के गर्नुहुन्छ एमसीसी तपाईं ?
काठमाडौं । एमाले अध्यक्ष तथा पूर्वप्रधानमन्त्री केपी ओलीले प्रधानमन्त्री शेरबहादुर देउवालाई अमेरिकी सहयोग परियोजना एमसीसीबारे धारणा मागेका छन्। ओलीले प्रतिनिधि सभा बैठकलाई सम्बोधन गर्ने क्रममा देउवालाई सोधेका छन्, ‘प्रधानमन्त्रीज्यू, के गर्नुहुन्छ एमसीसी तपाईं?’ संयुक्त सरकारको साझा न्यूनतम कार्यक्रममा एमसीसीबारे केही नदेखिएको उनको भनाइ छ।
‘साझा न्यूनतम कार्यक्रममा त साना मसिना कुरा गरेको छ, तपाईंहरूले एमसीसीको बारेमा बिर्सिनुभयो कि क्या हो? खै मेले देखिन कतै, छैन कहीँ, अनि केपी ओलीले एमसिसी पास गर्न खोज्यो भनेर वातावरण बनाउन खोज्ने?, उनले सोधे, ‘नेपाली जनताले जान्न चाहेको छ, प्रधानमन्त्रीज्यू, के गर्नुहुन्छ? एमएसीसी तपाईं?’ पूर्वप्रधानमन्त्री ओली एमसीसी परियोजनाको पक्षपाती हुन्। देउवाको पनि त्यसमा समर्थन छ। तर, साझा न्यूनतम कार्यक्रममा नपरेपछि ओलीले देउवालाई प्रश्न गरेका हुन्।
