स्वास्थ्य मन्त्रालयद्वारा सबै परीक्षा स्थगित गर्न सीसीएमसीलाई सिफारिस
काठमाडौं । कोरोना संक्रमण फैलिँदै गएको भन्दै स्वास्थ्य तथा जनसंख्या मन्त्रालयद्वारा सबै परीक्षा स्थगित गर्न सिफारिस गरेको छ । कोभिड–१९ संकट व्यवस्थापन केन्द्र (सीसीएमसी)लाई परीक्षा स्थगित गर्न सिफारिस गरिएको स्वास्थ्य राज्यमन्त्री उमेश श्रेष्ठले जानकारी दिएका छन् ।
उनले ट्विटरमार्फत यस्तो भनेका छन् ।
कोभिड–१९ संक्रमण फैलदैं गएको विद्यमान परिस्थितिमा ४ लाख विद्यार्थीको जीवनरक्षाप्रति हामी अत्यन्त संवेदनशील छौं। स्वास्थ्य तथा जनसंख्या मन्त्रालयले निकट भविष्यमा हुन लागेका सबै परीक्षा स्थगन गर्न शिक्षा मन्त्रालय र कोभिड–१९ संकट व्यवस्थापन केन्द्रलाई सिफारिश गरेको जानकारी गराउँछु।
— Umesh Shrestha (@MohpStateMin) August 6, 2021
