स्वास्थ्य सामाग्री खरिदमा भएको अनियमितताबारे सरकारले छानविन गर्ने
काठमाडौं । स्वास्थ्य सामाग्री खरिदमा भएको अनियमितताबारे सरकारले छानविन गर्ने भएको छ । कोरोना महामारी सुरु भएपछि स्वास्थ्य उपकरण खरिद गर्दा अनियमितता भएको सार्वजनिक भएको थियो । पूर्ववर्ती केपी शर्मा ओली सरकारका मन्त्रीहरु अनियमितताको विवादमा मुछिएका थिए । गठबन्धन सरकारको न्यूनतम साझा कार्यक्रममा समावेश गर्न कार्यदलले यस्तो सुझाव दिएको छ ।
तत्कालिन स्वास्थ्यमन्त्री भानुभक्त ढकाल, स्वास्थ्य सचिव यादव कोइराला, स्वास्थ्य सेवा विभागका तत्कालिन महानिर्देशक महेन्द्र श्रेष्ठ, मन्त्री ढकालका विज्ञ सल्लाहकार खेम कार्कीलाई लेखा समिति समेतले सोधपुछ गरेको थियो ।
