राज्यमन्त्रीको निर्णयमा प्रधानमन्त्रीको हस्तक्षेप, रोकियो डा. जागेश्वर गौतमको सरुवा
काठमाडौं । कोभिड युनिफाइड केन्दीय अस्पताल (वीर)का प्रशासकीय प्रमुख डा. जागेश्वर गौतमको सरुवा स्वास्थ्यमन्त्री समेत रहेका प्रधानमन्त्री शेरबहादुर देउवाको मौखिक आदेशमा रोकिएको छ ।
स्वास्थ्य राज्यमन्त्री उमेश श्रेष्ठले राज्यमन्त्रीस्तरीय निर्णयबाट गौतमलाई प्रसूति अस्पतालमा सरुवा गरी उनको ठाउँमा डा.रुद्र मरासिनीलाई जिम्मेवारी दिएका थिए ।
तर, प्रधानमन्त्रीको निर्देशनमा तत्काल सरुवा सम्बन्धी निर्णय कार्यन्वयन नगर्ने भनिएपछि सरुवा सम्बन्धी पत्र तयार नभएको मन्त्रालय स्रोतले जनाएको छ ।
