प्रधानमन्त्री देउवा र माओवादी अध्यक्ष प्रचण्डबीच एक्कासि भेटवार्ता
काठमाडौं । प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच आज भेटवार्ता भएको छ।
मन्त्रिमण्डलमा भागवण्डा मिलेपनि विस्तार हुन ढिलाइ भएपछि एक्कासि देउवा र प्रचण्डबीच प्रधानमनत्रीको सरकारी निवास बालुवाटारमा भेटवार्ता भएको हो । भेटमा मन्त्रिमण्डल विस्तारका बारेमा कुराकानी भएको बुझिएको छ ।
मन्त्रिमण्डलमा देउवासहित कांग्रेसका चार र माओवादी केन्द्रका दुई मन्त्री रहेका छन्। देउवाले आफ्नै पार्टी भित्रबाट पनि कसकसलाई मन्त्री बनाउने भन्ने टुंगो लगाउन सकेका छैनन्।
