एमसीसीको प्रतिलिपि प्रतिनिधि सभामा पेस गरियोस्: भीम रावल
काठमाडौं । नेकपा एमालेका सांसद डा. भीम रावलले अमेरिकी मिलिनियन च्यालेन्ज कर्पोरेशन (एमसीसी) को विरोध गरेका छन् ।
आज बसेको प्रतिनिधि सभाको विशेष समयमा बोल्दै सांसद रावलले एमसीसीमा राखिएको व्यवस्थाहरु कानुनसँग बाझिने भएकाले त्यसलाई पारित गर्न नहुनेमा जोड दिए ।“त्यसमा भएका कतिपय कुराहरु नेपालको संविधान र कानूनसँग बाझिन्छन् ।” उनले भने ।
त्यस्तै उक्त सम्झौताको प्रतिलिपि प्रतिनिधि सभामा पेश नगरिएको बताउँदै त्यसलाई प्रतिनिधि सभामा पेश गर्दै सबैले अध्ययन गर्न पाउनुपर्ने माग गरेका छन् ।
“यो प्रतिनिधि सभामा पेश गरिएको छैन । प्रतिलिपि पेश गरिएको छैन । अरु थुप्रै सम्झौताका प्रतिलिपि पेश प्रत्येक संसदका सदस्यहरुले पढ्न पाउनुपर्छ ।” उनले भने ।
