साताको अन्तिम दिन सेयर बजार ओरालो
काठमाडौं । कारोबारको अन्तिम दिन सेयर बजारमा खुलेको समय देखि घट्दै कारोबार हुदा अन्ततः सूचक १५.११ ले घटेर ३०७९.८३ बिन्दुमा रोकिएको छ ।
कारोबार रकम पनि आज घटेको छ । गत कारोबार दिन बुधबार १३ अर्ब रुपैयाँ रहेको कारोबार रकम बिहीबार भने १० अर्ब रुपैयाँमा सीमित रह्यो ।
कारोबारमा आएका २ सय १७ वटा कम्पनीको १ लाख ६ हजार ६८२ पटकको कारोबारमा २ करोड ६० लाख ४० हजार २३ कित्ता सेयरको १० अर्ब ९० करोड ५८ लाख ३० हजार ६४ रुपैयाँबराबरको कारोबार भएको छ ।
आजका दिन धेरै समूहहरूको उपसूचकहरू नकारात्मक छन् भने २ वटाको समूहहरुको सकारात्मक देखिए । जसमा होटेल र डेभ्लब्मेन्ट बैंक कम्पनीहरुको कारोबार सर्वाधिक भएको छ ।
आज ३ वटा कम्पनीहरुको सेयर मूल्य बढेको छ भने तीमध्ये रिद्धी हाईड्रोपावर डेभ्लबमेन्ट कम्पनीको ९.९५ प्रतिशतले वृद्धि भएको छ । त्यस्तै गुडवील फाइनन्स लिमिटेडको ७.२१ प्रतिशतले घटेको छ ।
