मैलुङ जलविद्युतको आईपीओ आजदेखि बिक्रि खुल्ला
काठमाडौं । मैलुङ खोला जलविद्युत कम्पनी लिमिटेडको आईपीओमा आज साउन १४ गतेदेखि आवेदन दिन सकिने भएको छ ।
आज बिहीवारबाट आवेदन दिन सकिने जलविद्युत कम्पनीले ७ करोड ३६ लाख २८ हजार ६०० रुपैयाँबराबरको ७ लाख ३६ हजार २८६ कित्ता शेयरको आईपीओ निष्काशन गर्न लागेको हो। तर, सर्वसाधारणले भने ६ लाख ८४ हजार ७४६ कित्ताका लागि आवेदन दिन सक्नेछन्। बाँकी ७ प्रतिशतमध्ये २ प्रतिशत कर्मचारीहरूलाई र ५ प्रतिशत सामूहिक लगानी कोषलाई छुट्याएको छ।
सर्वसाधारणले आज साउन १४ गतेदेखि १८ गतेसम्म आवेदन दिन सक्नेछन्। शेयर न्यूनतम १० कित्ताकादेखि अधिकतममा १ लाख कित्तासम्म आवेदन दिन सकिनेछ। कम्पनीको धितोपत्र निष्काशन तथा बिक्री प्रबन्धक सिद्धार्थ क्यापिटल लिमिटेड रहेको छ। यसको आईपीओमा पनि अरुको जस्तै १० कित्ता भरे ठिक हुने देखिन्छ ।
