चितवनमा सडकनजिकै पुरुषको शव फेला
चितवन। चितवनको भरतपुरस्थित सिमलडाँडामा एक पुरुष मृत फेला परेका छन्।
वस्तीबाट करिब ३ सय मिटर पर आज बिहान ७ बजेतिर ३० वर्षजतिका पुरुषको शव भेटिएको प्रहरीले जनाएको छ।
पैदलयात्रुले कालोपत्रे सडकनजिकैको घोलमा शव देखिएपछि प्रहरीलाई खबर गरेका थिए। घटनास्थलमा अनुसन्धान टोली पठाएर अनुसन्धान भइरहेको चितवन जिल्ला प्रहरी कार्यालयले जनाएको छ। शवको पहिचान भइसकेको छैन। अनुसन्धानरत प्रहरीका अनुासर ती पुरुषको टाउकोमा गोली लागेको जस्तो देखिएको छ भने घटनास्थलमा एक थान गोलीको खोका भेटिएको छ।
