टिपरको ठक्करबाट दुई पैदलयात्रीको मृत्यु
काठमाडौं । काठमाडौंको चन्द्रागिरि नगरपालिका १०, काठमाडौं आयल स्टोरस्थित सडकमा टिपरको ठक्करबाट दुई पैदलयात्रीको घटनास्थलमै मृत्यु भएको छ ।
बा.४ख २५७७ नम्बरको टिपरको ठक्करबाट दुईजना पैदलयात्रीको गएराति मृत्यु भएको हो।
मृत्यु हुनेमा काठमाडौं थापाथली बस्ने धादिङ गल्छी गाउँपालिका घर भएका २७ वर्षीय अभय लामा र काठमाडौं चन्द्रागिरि नगरपालिका १२, गुर्जुधारा बस्ने चितवन घर भएका २५ वर्षीय सुवास गमाल छन् । प्रहरीले टिपर र चालकलाई नियन्त्रणमा लिएको छ ।
