आज नेपालको कोरोना अपडेट यस्तो छ
काठमाडौं । नेपालमा पछिल्लो २४ घण्टामा २ हजार १ सय ६९ जनामा कोरोना भाइरसको संक्रमण पुष्टि भएको छ ।
१० हजार ४ सय १७ जनाको परीक्षण गर्दा पीसीआर विधिबाट १ हजार ३ सय ५३जनामा संक्रमण भएको तथा एन्टिजेन विधिबाट परीक्षण गर्दा ८ सय १६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा थप २२ जनाको मृत्यु भएको छ । योसँगै नेपालमा कोरोनाका कारण ज्यान गुमाउनेको कूल संख्या ९ हजार ३ सय ६२ पुगेको छ ।
यस्तै पछिल्लो २४ घण्टामा थप १ हजार ४ सय ३२ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कूल संख्या ६ लाख १८ हजार ३ सय ६१ पुगेको छ ।
नेपालमा हाल २६ हजार ४ सय ८९ जना सक्रिय संक्रमित रहेका छन् ।
