केही स्थानमा भारी वर्षाको सम्भावना, भोलि र पर्सी पनि पानी पर्ने
काठमाडौं । देशभर मनसुनी वायुको प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ।
अहिले बिहान देशभर आंशिक देखि सामान्य बदली रही बाग्मती प्रदेश, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशका केही स्थानमा हल्का वर्षा भइरहेको छ।
महाशाखाका अनुसार आज दिउँसो देशभर सामान्य देखि पूर्ण बदली रहनेछ । देशका धेरै स्थानमा हल्का देखि मध्यम वर्षाको सम्भावना छ। बागमती प्रदेश र प्रदेश १ का एक वा दुई स्थानमा मेघगर्जन तथा चट्याङसहित भारी वर्षाको सम्भावना रहेको जनाएको छ।
शनिबार र आइतबार पनि देशका देशका विभिन्न भागमा मध्यमदेखि भारी वर्षा को सम्भावना रहेको महाशाखाले जनाएको छ ।
