आज नेपालको कोरोना अपडेट
काठमाडौं । नेपालमा पछिल्लो २४ घण्टामा थप ६ हजार ८२५ जनामा कोरोना संक्रमण पुष्टि भएको छ ।
गत २४ घण्टाको अवधिमा देशभरका प्रयोगशालाहरुमा गरी १८ हजार ५६२ जनाको आरटी–पीसीआर विधिबाट नमूना परीक्षण गरिएको थियो। पीसीआर परीक्षणका क्रममा ५ हजार ८२५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै, ३ हजार २११ जनाको एन्टिजेन परीक्षण गरिएको मन्त्रालयले जानकारी दिएको छ। एन्टिजेन परीक्षणबाट १ हजार जनामा संक्रमण पुष्टि भएको हो।
काठमाडौं उपत्यकामा आज २ हजार ५७ कोरोना संक्रमित थपिएका छन्। उपत्यकाका तीन जिल्लामा गरी २ हजार ५७ जनामा संक्रमण पुष्टि भएको हो।
जसमा काठमाडौंका १ हजार ६३० रहेका छन्। यस्तै, भक्तपुरमा १२९ र ललितपुरमा २९८ संक्रमित थपिएको स्वास्थ्य तथा जनसंख्या मन्त्रालयले जनाएको छ।
यस्तै नेपालमा कोरोनाबाट आज थप ७५ जनाको मृत्यु भएको छ ।
पछिल्लो २४ घण्टामा देशभरका विभिन्न अस्पतालबाट ५ हजार ९०४ जना कोरोना संक्रमित निको भएर डिस्चार्ज भएको मन्त्रालयको तथ्यांकमा उल्लेख छ ।
