नोबेल मेडिकल कलेजमा २ कोरोना संक्रमितको मृत्यु
काठमाडौं । नोबेल मेडिकल कलेज विराटनगरमा उपचारका क्रममा दुई जना कोरोना संक्रमितको मृत्यु भएको जनाएको छ । झापा र मोरङ घर भएका दुई जनाको मृत्यु भएको हो ।
मोरङको कटहरी गाउँपालिका–२ का ४५ वर्षीय पुरुष र झापाको झापा गाउँपालिका–१० का ५५ वर्षीय पुरुषको मृत्यु भएको अस्पतालका प्रवन्धक नारायण दाहाले जानकारी दिए ।
मोरङका पुरुषको उपचारका क्रममा बिहान ३ः४५ बजेतिर मृत्यु भएको थियो । उनलाई निमोनियाको पुरानै समस्या थियो ।
झापाका पुरुषको उपचारका क्रममा बिहान १ बजेतिर मृत्यु भएको जनाएको छ । उनमा मधुमेहको पुरानै समस्या थियो ।
