राप्तीमा नगरपालिकामा आगलागी हुँदा २ जनाको मृत्यु
राप्ती । चितवनको राप्तीमा नगरपालिकामा एउटा घरमा आगलागी हुँदा दुईजना बालवालिकाको जलेर मृत्यु भएको छ ।
राप्ती नगरपालिका वडा नम्बर १ मैनाटार स्थित जितबहादुर रुम्बाको घरमा शनिबार बिहान करिव १० बजे आगलागी भएको थियो । आगलागीमा परी जितबहादुरको छोरातर्फको नाति ३ वर्षीय सुरज रुम्बा र उनकै छोरीतर्फको ३ वर्षीय नातिनी मनिसा तामाङको जलेर मृत्यु भएको प्रहरीले जनाएको छ । आगलागीबाट घरमा भएको लत्ताकपडा ,खाद्यान्न ,भाडाकुडा पुर्ण रुपमा जलेर नष्ट भएको छ ।
सोलारको ब्याट्री सर्टको कारण आगलागी भएको अनुमान गरिएको छ ।
